९ भदौ, काठमाडौं । मंगलबार नेप्से परिसूचक सामान्य अंकले घटेर बन्द भएको छ । नेप्से परिसूचक ५.३० अंकले घटेर २५९४.२७ विन्दुमा अडिएको छ । आज ३५७ वटा स्क्रिप्सको १ करोड ४४ लाख १६४ कित्ता शेयर किनबेच भए ।
४ अर्ब १० करोड ९७ लाख ५१ हजार ७३० रुपैयाँको कारोबार भयो । कारोबारमा आएकामध्ये ७८ वटा स्टक्सको मूल्य बढ्दा १८७ वटाको घट्यो । १२ वटा स्टक्सको मूल्य भने स्थिर रह्यो । दुईवटा कम्पनीको शेयर सकारात्मक सर्किट लेभलमा कारोबार भयो ।
आज विकास बैंक र निर्जीवन बीमा समूह मात्रै बढे । विकास बैंक ०.०८ तथा निर्जीवन बीमा ०.३६ प्रतिशत बढे । अरु सबै समूह घटेका छन् । बैंकिङ ०.०३, फाइनान्स ०.९१, होटल तथा पर्यटन ०.७१, जलविद्युत् ०.४२, लगानी ०.०८, जीवन बीमा ०.०९, उत्पादन तथा प्रशोधन ०.२९, माइक्रोफाइनान्स ०.२७, अन्य ०.१८ तथा व्यापार ०.५७ प्रतिशत घटे ।
समूहगत कारोबार हेर्दा सधैंझैं हाइड्रोपावर समूहको सबैभन्दा धेरै कारोबार भयो । सो समूहको मात्रै ६०.६६ प्रतिशत अर्थात् २ अर्ब ४९ करोडको कारोबार भयो । त्यस्तै वाणिज्य बैंकहरुको ३२ करोड, उत्पादन तथा प्रशोधन ३८ करोड रुपैयाँ बराबरको कारोबार भयो ।
नयाँ सूचीकृत सर्वोत्तम पेन्ट्स्को मूल्य १४.९९ प्रतिशत बढ्यो । त्यस्तै क्रेस्ट माइक्रोलाइफ इन्स्योरेन्सको मूल्य १४.९५, नाडेप लघुवित्तको ६.००, एभरेस्ट कलरको ५.७१, कालिन्चोक हाइड्रोपावरको ५.५६ प्रतिशत मूल्य बढ्यो ।
धौलागिरि लघुवित्तको १०.०७, उन्नती सहकार्य लघुवित्तको ४.२३, रिजलाइन इनर्जीको ३.८६ प्रतिशत मूल्य घट्यो ।
आज रकमका आधारमा धेरै कारोबार भएका कम्पनीमा मकर जितुमाया सुरी हाइड्रोपावर, रिलायन्स स्पिनिङ मिल्स, सोलु हाइड्रोपावर, सुपर मादी हाइड्रोपावर, रिडी पावर, आँखुखोला जलविद्युत् कम्पनी तथा चन्द्रागिरि हिल्स छन् ।
